Berglind Festival alheims drottning kíkti til mín í spjall og mikið var það ógeðslega gaman. Hún sagði mér m.a. frá hinum ýmsu ævintýrum lífs hennar eins og fyrsta viðtalinu hennar með RÚV mækinn, 70 ára manninum í Breiðholti sem sendir henni reglulega hatursskilaboð og því að hún elski að ferðast ein. Við ræddum einnig hvernig líkamsímynd Berglindar hefur breyst í gegnum tíðina og hvort að það hafi verið einhver sérstök pæling á bakvið karakterinn hennar á RÚV. Berglind er náttúrulega one of a kind snillingur sem er einstaklega gaman að hlusta á, vona að þið njótið og gleðileg jól elsku hlustendur! 

IG: @berglindfestival & @katavignis  

Eva Laufey Kjaran dagskrágerðarkona, baksturs drottning og samfélagsmiðlastjarna kíkti til mín í spjall. Það er mikil ró og öryggi sem umlykur Evu þegar að hún sest niður á móti mér en það er eitthvað sem hún hefur unnið í að auka síðustu ár og greinilega tekist vel til. Hún sagði mér frá skemmtilegum “passive aggressive” skilaboðum og símtölum sem hún fær reglulega varðandi baksturinn og hvernig hún lærði að setja mörk. Ef að Evu langar í eitthvað þá fer hún eftir því og kýlir á hlutina, en það er hugsunarháttur sem hefur komið henni á þann stað sem hún er á í dag og er eitthvað sem er algjörlega til fyrirmyndar. Mikið er gott að Eva sé oft á skjánum hjá okkur Íslendingum því það þurfa svo sannarlega allir eina Evu Laufey í líf sitt! Hlustið, njótið og endilega subscribeið!

IG: @evalaufeykjaran & @katavignis  

Matthías Már Magnússon tónlistarstjóri Rásar 2 bauð mér í kaffi til sín upp á Rúv þar sem að við settumst niður í stúdíói og tókum gott spjall. Hann sagði mér frá því hvernig námsmaður hann var og hvernig skólakerfið hentaði honum alls ekki. Samt sem áður þá tókst honum að næla sér í Meistaragráðu án þess að hafa tekið stúdentspróf eða BA gráðu. Matti var sendur í sveit til að vinna fyrst 6 ára gamall og sagði mér frá tímanum sínum þar og hvernig eitt sumarið borðaði hann kjötbollur í öll mál. Matti er nú vanur því að vera maðurinn sem er að spyrja spurninganna í viðtali en það var mjög gaman að fá að heyra hann svara þeim í þetta skiptið. Hlustið og njótið!

IG: @mattimar & @katavignis

María Hrund Marinósdóttir eigandi umboðsskrifstofunnar Móðurskipið kíkti í kaffi til mín og sagði mér frá því hvernig það er að starfa sem umboðsmaður á Íslandi. Við ræddum hinar ýmsu hliðar bransans og hvernig það væri að hætta í góðri vinnu með launaöryggi og stofna sitt eigið fyrirtæki. María er með háskólagráðu í stjórnmálafræði en er ekki viss um hvort að hún hefði farið þá leið í dag því hún vann sem markaðsstjóri fyrirtækja í 20 ár og núna sem umboðsmaður. María sagði mér frá ýmsum gildum sem hún hefur sankað að sér í gegnum tíðina, hvernig hún lærði að treysta innsæinu sínu og mörgu fleiru. María er sannkölluð kjarnakona sem var virkilega gaman að spjalla við!

Þórhallur Gunnarsson framkvæmdastjóri fjölmiðla Stöðvar 2 og Vodafone kíkti til mín í spjall og sagði mér frá hinum ýmsu ævintýrum sem hann hefur lent í á sínum magnaða ferli. Við ræddum um það hvernig hann fór frá því að vera leikari yfir í að vinna í fjölmiðlum, hvernig hann hugsar allt sem að hann tekur að sér til tveggja ára og einnig allskonar óvenjulegar samningaviðræður sem hann hefur átt á lífsleiðinni. Þórhallur sagði mér líka frá eineltinu sem hann lenti í sem barn og hvernig það hafði áhrif á manneskjuna sem hann er í dag. Það var sannur heiður að fá hann Þórhall í spjall, hlustið og njótið!

IG: @thorhallurgunnarsson & @katavignis

Vilhjálmur B. Bragason betur þekktur sem Villi Vandræðaskáld, leikari og tónlistarmaður, kíkti í spjall til mín á Akureyri. Við fórum í gegnum hans fjölbreytta feril með stoppum hér og þar, leiklist, tónlist, handritsskrif, London og margt fleira kom þar við sögu. Hann sagði mér frá menntaskólaárum sínum þar sem hann naut þess að vera aðeins öðruvísi en flestir sem hann gerði til dæmis með því að mæta í frakka og með skjalatösku í skólann. Villi er einstaklega fyndinn og það er algjör lífsins lukka að fá að hlusta á hann segja frá. Njótið!

IG: @vilhjalmurbbragason & @katavignis

Berglind Alda er annar höfundanna og einn aðalleikaranna söngleiksins Hlið við Hlið sem hefur notið gríðarlegra vinsælda nú í haust í Gamla bíói. Við ræddum leiklistina, lhí og hvernig maður þarf bara að gera hlutina sjálfur til að komast áfram. Hún sagði mér einnig frá því þegar að hún missti pabba sinn fyrr á þessu ári og hvernig það hafði áhrif á hana. Berglind er virkilega fyndin og sniðug kona sem gaman er að spjalla við, njótið. 

IG: @berglindalda & @katavignis

Ástrós Guðjónsdóttir kíkti til mín í spjall og við töluðum um ferilinn hennar sem dansari, danshöfundur og danskennari. Ástrós er einn af þremur dönsurum Hatara og var að opna dansskóla á Selfossi. Hún sagði mér m.a. frá því þegar að hún ákvað að taka sér pásu frá LHÍ til að fara í dáleiðslu og vinna í því að meðhöndla kvíðann sinn sem tengdist því töluvert að ætla að tileinka lífi sínu atvinnumennsku í dansi. Ástrós talaði líka um að við erum orðin svo hættulega vön því að keyra okkur út og að það þurfi ekki allir og öll atvinnusvið að bjarga mannslífum til að skipta máli. Virkilega skemmtilegt að spjall við algjöra kjarnakonu.   

IG: @astrosgudjons & @katavignis

Tónlistarmanninn Magna Ásgeirs þarf nú varla að kynna en hann er búsettur á Akureyrinni góðu og kíkti til mín í spjall. Við ræddum hvernig raunveruleikaþættir virka í alvörunni, samfélagsmiðla, gömlu góðu sveitaböllin og margt fleira. Magni sagði mér líka frá óöryggi sínu og feimni sem að hefur verið með honum frá fæðingu og hvernig lífið breytist við fertugt. Hann er auðvitað algjör meistari, njótið. 

IG: @magniasgeirs & @katavignis

Vala Fannell hóf ferilinn sinn 7 ára gömul þegar að hún fór með hlutverk Herra Níels í Línu Langsokk á stóra sviðinu í Borgarleikhúsinu. Hún sagði mér frá hinum ýmsu ævintýrum sem hún hefur lent í sem leikstjóri, leikstjóranáminu í London og hvernig hún fer að því að velja leikara í hlutverk. Vala sagði mér einnig frá baráttu sinni við óskilgreinda átröskun og fræddi mig um hvað það væri nákvæmlega. Þvílíkt mögnuð kona með margar skemmtilegar sögur að segja. Njótið!

IG: @valafannell & @katavignis 

Fjölmiðlakonan og sólargeislin hún Guðrún Sóley var að njóta lífsins eftir hot yoga tíma á Akureyri þegar að ein vel sveitt kona úr tímanum kemur og truflar hana til að spyrja hvort að hún sé ekki til í að koma í spjall í hlaðvarpsþátt. Eitt leiddi af öðru og hingað erum við komnar til að ræða málin. Guðrún sagði mér frá bakgrunni hennar í dansi, hvernig hún byrjaði í fjölmiðlum og hversu mikilvægt þakklæti og jafnvægi er í okkar daglega lífi. Við ræddum einnig mótlæti, neikvæða gagnrýni og hvernig maður tæklar það að taka hluti ekki of nærri sér. Það var virkilega skemmtilegt að spjalla við Guðrúnu Sóley, njótið!

IG: @gudrun_soley & @katavignis

Uppistandarinn hún Karen Björg var í sumarfríi á æskuslóðum sínum á Grenivík þegar hún skutlaðist yfir til Akureyrar til að drekka vatnsglas með mér í sjóðheitu stúdíói. Hún sagði mér frá fyrsta uppistandinu sínu, tímanum þegar að hún bjó með módelfitness pari í London og hvernig ferilinn hennar sem bæði handritshöfundur og uppistandari hefur farið á flug á síðastliðnum árum. Við ræddum tísku áhuga hennar, mun á vinum okkar fyrir norðan vs fyrir sunnan og svo auðvitað atvikið þar sem kemur í ljós að hún er ekki konan hans Péturs Jóhanns. Karen er geggjuð og ég hlakka til að mæta á uppistand með henni sem fyrst, njótið vel.

IG: @karenbjorg @katavignis

Farðu úr bænum er mætt aftur eftir sumarfrí og ég ætla að byrja á því að bjóða ykkur hjartanlega velkomin í viðtalið mitt ég þekkti hann áður en að hann varð heimsfrægur! Tónlistarmaðurinn Anton Líni kíkti til mín í spjall en hann er búsettur í Berlín um þessar mundir. Við ræddum tónlistina, tilvistarkreppuna og pressuna að þurfa að gera eitthvað geggjað við líf sitt. Eins og sumir muna kannski eftir þá lenti Anton ásamt fjölskyldu sinni í stórum bruna þegar að hann var 3,5 ára og var sá eini sem komst lífs af. Virkilega gaman að fá að spjalla við þennan snilling.

IG: @antonlinih & @katavignis

Ég fékk til mín fjóra íslenska fatahönnuði til að spjalla um það helsta sem er að gerast í tísku heiminum í dag. Vissuði til dæmis að fast fashion er talið meira mengandi en flug? Af hverju ættum við að leggja okkur fram við að kaupa frekar fatnað sem telst til hægrar tísku (slow fashion) frekar er hraðrar tísku (fast fashion)? Þetta og margt fleira, til dæmis var mjög gaman að spjalla um þeirra hönnun, fylgihluti og sýningar!

Hlín Reykdal er skartgripa og fylgihlutahönnuður @hlinreykdalstudio

Helga Lilja er með fatamerkið Bið að heilsa niður í Slipp @bahns_rvk

Eygló er með fatamerkið Eygló @eygloreykjavik

Dúsa er fatahönnuður og á Stefánsbúð @stefansbud

Hlín, Helga og Eylgó eru allar eigendur verslunarinnar Kiosk @kioskgrandi

Takk fyrir að hlusta og endilega subscribea!

Fatahönnuðurinn Anita Hirlekar kom og sagði mér frá þeim ævintýrum sem hún hefur lent í vinnandi í hátískubransanum í París, Ítalíu, London og hérna heima. Fyrsta atvinnuviðtalið hennar yfir höfuð var við Dior (mitt var við gistiheimili út í sveit...) og síðan þá hefur hún unnið í hinum ýmsu stór verkefnum og hannaði til dæmis peysur fyrir Kanye West. Anita hafði fjölmargar skemmtilegar sögur að segja sem dæmi má nefna að þegar að hún vann hjá Dior hannaði hún dúkku handa leikkonunni Marion Cotillard og náði að móðga hana í leiðinni.

Takk fyrir að hlusta og endilega subscribea!

Hérna getiði skoðað fötin hennar Anitu: anita-hirlekar.shop

IG: @katavignis & @anita_hirlekar

Mæli með að kíkja á GÓ training (@goodmundur á instagram) fyrir skemmtilegar æfingar á Akureyri út júlí!

Rithöfundurinn og aktívistinn hún Silja Björk kom í stúdíóið til að spjalla um líkamsvirðingu og "Body Positivity" samfélagið. Við töluðum um meðal annars um Hollywood stjörnurnar, fitufordóma, blessaða BMI stuðulinn og afhverju sumum finnst að grannt fólk megi ekki vera með í því að tala um jákvæða líkamsímynd. 

Takk fyrir að hlusta og munið að subscribea!

IG: @katavignis & @siljabjorkk

Unnur varð óvænt ólétt 21. árs gömul á meðan að hún bjó ein í Los Angeles, við tóku erfiðir tímar þar sem hún þurfti að hugsa lífið upp á nýtt. Henni fannst eins og hún væri að bregðast öllum í kringum sig og glímdi við mikinn vanlíðan þar sem að hugmyndin um hið "fullkomna" líf átti ekki lengur við. Hún sagði mér frá meðgönguþunglyndinu, hvernig hún kynnist manninum sínum sem vinnur við gerð Hollywood mynda og frá því þegar að hún hitti Ariana Grande! Í dag er Unnur ljósmyndari, sýningastjóri og danskennari sem lætur ekkert stoppa sig og er ekki mikið að stressa sig á því að plana lífið langt fram í tímann!

Takk fyrir að hlusta og munið að subscribea!

IG: @katavignis & @unnuranna & @unnurannaphotography

Einn ástsælasti leikari þjóðarinnar hann Björgvin Franz Gíslason kíkti í kaffi og hitaði sig upp fyrir sýningarhelgi. Við ræddum um sögusagnir um klíkuskap í bransanum, verstu giggin hans sem við hlógum mikið af og margt fleira. Hann sagði mér frá hugarfarinu sínu gagnvart prufum sem er svo sannarlega til fyrirmyndar og minnti okkur svo öll á að lífið er í raun bara ein stór áhætta. Maður fær gott í hjartað við að hlusta á þennan frábæra leikara segja frá, þvílíkur snillingur.

Takk fyrir að hlusta og munið að subscribea!

IG: @katavignis & @bjorgvinfg

Endilega kíkið á @goodmundur á instagram fyrir ótrúlega fjölbreytt og skemmtileg hreyfinámskeið!

Léttur, ljúfur og kátur er góð lýsing á leikaranum Árna Beinteini sem og þessum þætti. Hef sjaldan hlegið jafn mikið í tökum og það er allt kostulegu sögunum hans Árna að þakka. Fluttur upp á sjúkrahús í hvítum geimverubúningi með 2 stigs bruna á fæti, slasaðist á viðkvæmu svæði í úlfa búningi fyrir framan fullt af fólki og síðan er það sagan með brúðkaupsnóttina...

Árni er algjör dugnaðarforkur sem horfir ekki á Netflix, enda hefur hann nægan tíma til þess í ellinni. Svo deilir hann líka ákveðni lífsreynslu með engum öðrum en Ed Sheeran!

Takk fyrir að hlusta!

IG: @katavignis & @beint1

Björk Óðinsdóttir crossfittari lenti í 2. sæti á EM, keppti á Heimsleikunum og er fyrrverandi landsliðskona í fimleikum. Hún kom til mín í einstaklega hreinskilið og skemmtilegt spjall. Hún sagði mér frá því þegar að hún fór í fóstureyðingu 17 ára gömul og því þegar að hún missti fóstur árið 2018. Þessu fylgdi mikil skömm og hvorki umhverfið á spítalanum né samfélaginu að hjálpa. Björk er jákvæð, opin og sannarlega með hugarfar atvinnumannsins. 

Eitt enn... ætli Björk sé með mesta instagram fylgjendur af þeim sem búa á Akureyri? Mér vantar amk bara 98.000 manns til að ná henni, þetta kemur allt með kalda vatninu krakkar mínir. 

Hlustið, njótið, subscribeið og deilið!

IG: @katavignis & @bjorkodins

Karen Hrund vakti mikla athygli árið 2017 þegar að hún varð ólétt 14 ára og eignaðist barn 15 ára. Nokkrum mánuðum eftir að hún átti strákinn sinn varð Karen aftur ólétt og ákvað þá að fara í þungunarrof. Við töluðum um fordómana sem að fylgdu því, slæma líkamsímynd, djammið, double standards og margt fleira. Síðan sagði Karen mér einnig frá því lingóinu sem að vinahópurinn notar og ég verð að segja að það er lowkey slay. Hlustið, njótið og deilið. 

Endilega subscribeið!

IG: @katavignis og @karenhrund

Júlía Grønvaldt listrænn stjórnandi, stílisti og tískugúrú kom í spjall og í eitt augnablik leið mér eins og ég væri orðin Meryl Streep í The Devil Wears Prada. Síðan tók blákaldur raunveruleikinn við þegar að Júlía sagði mér afhverju við ættum ekki að versla í H&M á meðan að ég sat á móti henni með galopinn munn klædd eins og ég hefði verið klippt úr vor bæklingi H&M. Hún sagði mér frá því hvernig "trend forecasting" virkar, hvernig það er stjórnað kauphegðun okkar og svo skellti hún auðvitað í tískuráð fyrir almenning. Júlía lærði í Ítalíu og hafði heldur betur frá skemmtilegum sögum að segja úr tískuheiminum þar. Annað eins sjálfstraust hef ég ekki séð oft, stelpan er snillingur!

IG: @katavignis & @juliagronvaldt

Rakel Hinriks dagskrágerðarkona, grafískur hönnuður, verkefnastjóri og almennur snillingur kíkti í kaffi þar sem ég er loksins búin að læra á kaffivélina. Nú er ekkert sem að stoppar mig! Rakel sagði mér frá námsárunum hennar í Bandaríkjunum, hvernig hún landaði vinnu í Danmörku og því hvernig hún flutti síðan aftur til Akureyrar og byrjaði að vinna á sjónvarpsstöðinni N4. Hún sagði mér svo auðvitað söguna af því hvernig mamma hennar endaði einn góðan veður dag á því að líta út eins og reytt hæna, þið viljið ekki missa af þeirri sögu - trúið mér. Rakel er með aðdáunarvert viðhorf til lífsins, tekur einn dag í einu sem hefur svo sannarlega komið henni langt!

Takk kærlega fyrir að hlusta, munið að subscribea!

IG: @katavignis & @rakelhinriks

Hjalti Rúnar leikari, ljúflingur og stórsnillingur mætti í spjall og fékk vatn að drekka þar sem að ég er ennþá að læra á kaffivélina, fimm þáttum síðar. Hjalti opnaði sig um samband sitt og fjölskyldu sinnar við áfengi, hvernig meðferð hafði áhrif á líf hans og hvernig hann náði stjórn á neyslu sinni. Við tókum einnig hreinskilið spjall um vangaveltur okkar varðandi það að karlar séu almennt ekki jafn virkir í því og konur að berjast gegn kynferðislegri áreitni. Af hverju eru konur mestmegnis að berjast fyrir réttlæti einar og hvað þarf að gera til að fleiri karlmenn láti í sér heyra?

p.s af hverju hafa allir sem búa úti á landi æft frjálsar á einum tímapunkti eða öðrum? 

IG: @katavignis & @hjalti31

Munið að subscribea og endilega deila þættinum áfram!

Ari Ólafs Eurovisionfari og drauma tengdasonur okkar íslendinga mætti eldhress í spjall. Hann sagði mér frá versta gigginu sínu sem að var í Ísrael á túr fyrir Eurovision og öllu brjálæðinu sem að fylgdi því. Einnig opnaði Ari sig um kvíða og hvernig honum finnst best að díla við hann. Drengurinn er frábær, njótið vel!

Ekki gleyma að subscribea!

IG: @katavignis & @ari_olafsson

Alda Karen fyrirlesari, framkvæmdastjóri, rithöfundur, fyrirtækjaeigandi og ofurkona kom í stórskemmtilegt spjall. Við töluðum um hvað við erum í raun öll bara lítil peð sem skipta engu máli, hlutverkaskiptingar í samkynhneigðum vs. gagnkynhneigðum samböndum, hvað það er mikilvægt að vera með fake aðstoðarmenn og margt fleira. Njótið vel!

IG: @katavignis & @aldakarenh

Ingi Torfi atvinnu peppari og macros kóngur kom í stúdíóið til að leggja okkur hinum línurnar. Nei reyndar ekki en Ingi er hins vegar með fáránlega peppandi og góða nærveru sem að smitar út frá sér. Hann er frumkvöðulinn sem var 16 ár í sömu vinnu eins og hann orðaði svo skemmtilega sjálfur og sagði mér frá því hvernig hann sagði upp vinnunni sinni og stofnaði drauma fyrirtækið í miðjum heimsfaraldri. Við spjölluðum einnig um tímann þegar að hann bjó í Afríku sem unglingur, hvernig macros lífstílinn hefur áhrif á líkamann okkar en ekki síður áhrif á sálina og hvað það er ótrúlega mikilvægt að kunna að meta litlu hlutina í lífinu. Ingi er pepparinn sem að þú vissir ekki að þú þyrftir í líf þitt, njótið vel!

IG: @katavignis & @ingitorfi

Þórdís Björk leik og söngkona kíkti í stúdíóið til mín en hún er búsett á Akureyri þessa dagana. Við spjölluðum um hvernig það er að fá mikið hate á netinu og hvernig það getur haft áhrif á andleg líðan, stóra Raufarhafnar málið, Reykjavíkurdætur, hvernig það er að vera leikin í skaupinu, leiklistarferilinn, Eurovision og margt fleira!

IG: @katavignis & @thordisbjork

Stef: Jóhannes Ágúst

Mynd: Unnur Anna Árnadóttir

Króli er búsettur á Akureyri á meðan að hann leikur Tóta tannálf í söngleiknum um Benedikt Búálf. Við töluðum m.a. um hvernig það væri að vera bæði lögfræðingur og bakari, andleg líðan og hvernig það er að vera 20 og eitthvað í tilvistarkreppu! 

IG: @katavignis & @kiddioli